Zëvendëskryeministri për çështje evropiane Bojan Mariçiq ka takuar sot përfaqësuesin e posaçëm të Francës për Ballkanin Perëndimor, Rene Trokaz.
Siç njofton Sekretariati për Çështje Evropiane, bashkëbiseduesit ranë dakord se integrimi evropian është zgjidhja e vetme dhe optimale për vendin tonë.
“Për të arritur qëllimin tonë të përbashkët strategjik, anëtarësimi i plotë në union, prania e Francës dhe zëri i Parisit janë jashtëzakonisht të rëndësishme për Maqedoninë e Veriut, duke inkurajuar përshpejtimin e dinamikës së procesit negociator të shtetit”, thuhet në komunikatën e SEÇ.
Siç thuhet në njoftim, bashkëbiseduesit u pajtuan se Franca dhe Maqedonia e Veriut mbeten të përkushtuara për një angazhim të përbashkët për realizimin e perspektivës evropiane të vendit tonë dhe ruajtjen e stabilitetit të Ballkanit Perëndimor dhe Evropës në tërësi.
