Prokurori publik i Prokurorisë Publike Themelore në Strugë ka dhënë urdhër për realizim të procedurës hetuese kundër një personi për veprën penale – prodhim i paautorizuar dhe lëshim në shitje të lëndëve narkotike, substancave psikotrope dhe prekusorëve.
“I dyshuari, 27 vjeçar nga Struga, në garazhin që e shfrytëzon në afërsi të shtëpisë së tij, në mënyrë të paautorizuar për të shitur ka mbajtur gjithsej 433.8 gram marihuanë në qese plastikeje të bardhë”, qëndron mes tjerash në kumtesën e Prokurorisë, transmeton TV21.
Prokuroria ka kërkuar që të njëjtit t’i shqiptohet edhe masa e paraburgimit, pasi ekziston rreziku që i njëjti të arratiset apo të ndikojë ndaj hetimit.