Çifti mjaft i përfolur i “Ferma VIP 2”, Alba dhe Limi janë nën vëzhgimin e ndjekësve, edhe pse jashtë fermës.
Të shumta ishin dyshimet se lidhja e tyre përfundoi, pasi në spektaklin e kaluar u përfol se Limi kishte krijuar një njohje të re. Ishte pikërisht ish-fermerja Keisi që deklaroi se Limi po zhvillonte party me disa vajza, teksa Alba ishte e pranishme në emision.
Por, aludimet marrin fund, pasi në spektaklin e mbrëmshëm, Alba ka të vendosur varësen që i ka dhuruar Limi. Një detaj ky që konfirmon se marrëdhënia e tyre vazhdon edhe jashtë “Ferma VIP”.
Por, jo vetëm kaq. Një ngacmim i moderatores Luana Vjollca ndaj ish-fermeres theksoi se mes dyshes nuk ka asnjë krizë.
Pjesë nga biseda:
Luana Vjollca: O Alba, po mendon për Limin?
Alba Pollozhani: Jo, jo, thjesht po dëgjoja bisedën. Mos më ndizni emocione të tjera.
