Unioni i Nxënësve të Shkollave të Mesme në Maqedoninë e Veriut bëjnë apel për mirëkuptim dhe mbështetje për nxënësit të cilët kalojnë në një periudhë të vështirë emocionale.
Ata kërkojnë nga institucionet arsimore të mos ndërmarrin sanksione apo të mos bëjnë presione në mësim, nëse nxënësit dëshirojnë të jenë pjesë e tubimeve për mbështetje të viktimave.
Siç thonë nga Unioni i Nxënësve, protestat janë masa e fundit të cilat nuk i dëshiron askush por nëse do të jenë të detyruar, do të reagojnë.
Presin nga të gjitha shkollat dhe institucione kompetente të kontribuojnë drejt një atmosfere të kujdesit, respektit dhe mbështetjes, me qëllim nxënësit më lehtë të mund të sillen në këto momente të vështira./ Alsat.mk
