Anthony Martial raportohet se i është ofruar Real Madridit, me këtë të fundit që nuk ka vendosur ende rreth kësaj.
“Mundo Deportivo” raporton se Manchester United ia ofroi francezin madrilenëve, që po përballen me lëndime në fazën e sulmit, transmeton Gazeta Express.
Lëndimi i Vinicius Junior lë vetëm Rodrygo Goes, Joselu Mato dhe Brahim Diaz si opsione për të luajtur në sulm.
Martial thuhet se iu ofrua “Los Blancos” në formë huazimi, duke përfshirë opsionin e blerjes.
Carlo Ancelotti deklaroi ditë më parë se merkato e transferimeve është mbyllur për skuadrën e tij, por kjo ishte përpara lëndimit të Viniciusit – andaj tani situata edhe mund të ndryshojë.
Mbetet të shihet në vazhdim nëse Real Madridi do të punojë për një marrëveshje për Martialin ose ndonjë sulmues tjetër. /Gazeta Express
