Faqja e Ministrisë së Arsimit dhe Shkencës funksionon pa ndërprerje, nuk ka pasur hyrje të paautorizuar në uebsajt, dhe regjistrimet që janë postuar mbrëmë në Twitter për ndërhyrje të hakerëve nga Greqia, nuk janë nga hapësirat e ministrisë, tha zyrtari i MASH-it, raporton Tellma, transmeton Portalb.mk.
Dje, një grup hakerësh grekë të quajtur “Ushtria e Fuqishme Greke” njoftuan në rrjetet sociale se kishin hyrë në sistemin kompjuterik të Ministrisë së Arsimit të Maqedonisë së Veriut, madje publikuan pamjet e hyrjes së supozuar “live” në ndërtesën e ministrisë përmes kamerave të sigurisë të instaluara.
