Nëse menaxhohet si duhet, mbeturinat mund të sjellin fitime dhe resurse të mëdha ekonomike. Kjo u deklaruar në konferencën ndërkombëtare që po mbahet në Shkup mbi menaxhimin e mbeturinave dhe riciklimin e tyre, shkruan Alsat.
Kryetari i Asociacionit maqedonas për menaxhim me mbeturinat, Mihail Mateski tha se përvojat nga vendi dhe rajoni duhet të na bashkojnë për një qëllim të përbashkët, ambient jetësor më të mirë.
“Për dy ditë do t’i shkëmbejmë përvojat dhe shembujt konkret brenda dhe jashtë vendit. Bashkë me ne janë edhe ekspertët dhe të gjithë aktorët që janë të përfshirë në rëndësinë e riciklimiti. Këtë vit kemi mbledhur mbi 40 ekspertë me të cilit do të flasim për rëndësinë e riciklimit dhe ambientit të pastër jetësor”, tha Mihail Mateski, Kryetar i Asociacionit Maqedonas për Menaxhim me Mbeturinat./ Alsat.mk
