Mbi 90% e kompanive të përfshira në dialogun për avancimin e arsimit të mesëm profesional janë të përgatitura të pranojnë nxënës për praktikë

Iliria News Agency
Iliria News Agency

16/02/2022

Mendimi i kompanive dhe nevojat e tyre, janë të rëndësishme për dizajnimin e politikave të regjistrimit për shkollat e mesme profesionale dhe besojmë fuqimisht se përmes këtij dialogu social do të identifikojmë së bashku nevojat dhe do të mund t’i përgjigjemi atyre.

Sigurimi i fuqisë punëtore të kualifikuar është njëkohësisht interesi më i lartë shtetëror, sepse vetëm me investimin në kapitalin njerëzor mund të arrijmë rritje dhe zhvillim shoqëroro-ekonomik.

Këtë e theksoi zëvendësministri i Arsimit dhe Shkencës, Lulzim Aliu, në takimin “Mëso me mençuri, puno me profesionalizëm”, që u mbajt në Shtip, në prani të përfaqësuesve të odave dhe biznesit, nga shkollat e mesme profesionale dhe vetëqeverisjet lokale nga Shtipi, Probishtip dhe Sveti Nikole.

Zëvendësministri Aliu theksoi se kompanitë të cilat ballafaqohen me mungesë të kuadrit adekuat janë të vetëdijshëm se ky problem mund të tejkalohet vetëm me përfshirje të dialogut dhe veprim të përbashkët me shtetin dhe komunat. Dëshmi për këtë është interesimi i madh i shprehur nga komuniteti i biznesit për të marrë pjesë në procesin e pyetësorit të zbatuar nga MASH para fillimit të dialogut.

“Veçanërisht më gëzon fakti që interesimi i kompanive për t’u përfshirë në këtë proces është i madh. Kemi marrë përgjigje prej rreth 400 kompani, ndërsa rreth 90% e tyre u deklaruan se janë të përgatitura të përfshihen në arsim dual, gjegjësisht të pranojnë nxënës të praktikës në vitin shkollor 2022/23, që e tregon vullnetin e fortë që bashkërisht dhe me përgjegjësi të përshtatim arsimin e nevojave moderne në tregun e punës dhe të punojmë në kthimin e atraktivitetit dhe vlerës së arsimit të mesëm profesional”, tha Aliu.

Ministria e Arsimit dhe Shkencës në realizimin e këtij dialogu mbështetet nga Ambasada e Zvicrës, Platforma për Dialog Publiko-Privat, ku janë artikuluar interesat e katër odave ekonomike më të mëdha, ndërsa këtu janë edhe kompanitë dhe vetëqeverisjet lokale.

MASH për të dytin vit radhazi zhvillon dialog në nivel lokal për avancimin e arsimit të mesëm profesional. Në vitin shkollor 2021/22, numri i paraleleve duale është rritur nga 11 në 97, duke përfshirë mbi 200 kompani. Në këto paralele duale janë regjistruar 1400 nxënës, që është 6% më shumë nxënës në arsimin e mesëm teknik. Janë ndryshuar edhe politikat e bursave, përkatësisht nxënësit e regjistruar në dy paralelet duale në shkollat e mesme marrin bursë mujore prej 3500 denarë.

TË FUNDIT

ME TE LEXUARA

LEXO MË SHUMË

izet mexhiti

Mexhiti: Paska folë prap makineria propaganduese e Gebelsit të BDI-së!

vlen llogo

VLEN: Pacienti dhe Fronti i listës së zezë, shkaktarët e rënies së besimit në gjyqësor dhe prokurori

Kacarska-780x439-1-1

Kacarska: Gjykata Kushtetuese mund të vendosë për kushtetutshmërinë e Kodit Zgjedhor

bujar osmani

Osmani: Brenda 48 orëve mund të shpërthejë konflikt në Lindjen e Mesme

mpj22-696x385

MPJ apelon që të shmangen udhëtimet në Izrael dhe rajon

BDI selia

BDI: Korrupsioni ka emër, Izet Mexhiti dhe komuna e Çairit

bdi-ali-ahmeti-cair

BDI më e pasura, me më shumë para se partitë tjera

mexhiti izet

VLEN: Ndryshimet kushtetuese, kusht për koalicion me VMRO-DPMNE-në

KSHZ-Komisioni

Këto janë numrat e listave për deputetë që mund të votoni më 8 maj

INFO

NA NDIQ