Abdulla Mehmeti
Dëshmi
MBI SHTRIRJEN E POPULLIT DHE FISEVE DARDANE*
Populli, jo fisi ilir i dardanëve, ka jetuar nga parahistoria, në vazhdimësi historike dhe gjeografike, në gjithë hapësirën e Gadishullit Ilirik, në Gadishullin e Anadollit (pjesën veriperëndimore), si edhe në vende të tjera ku janë shpërngulur një pjesë e fiseve dardane, pas Luftës së Trojës, me ekspeditat ushtarake të Kirit të Madh dhe të Lekës së Madh, për shkak të katastrofave të mëdha natyrore, tërmeteve, thatësirave të mëdha në Azinë e Vogël mes shek. XV-XII, mortajave shfarosëse etj.
Me gjithë përpjekjet e mëdha përgjatë disa shekujve me radhë, për shkaqe të njohura nga studiuesit e historisë dhe jo vetëm, shkatërruesit e dëshmive materiale dhe të burimeve historike nuk kanë arritur ta fshijnë gjithë atë histori të madhe mijëvjeçare të dardanëve dhe Dardanisë.
Një shembull e publikojmë me këtë rast, nga një hartë e vjetër, edicioni i hartave ushtarake nga arkivat e huaja, ku shihet qartë prania e dardanëve dhe fiseve të tyre, të shënuara në hartë me vija të kuqe.
* Një popull që ka arritur të krijojë formacione të veta shtetërore, disa mbretëri gjatë historisë, nuk mund të quhet fis, pavarësisht nga emërtimi i tyre nga disa autorë të lashtësisë dhe të kohës së re. (A.M.)
