Aktivistë të Aleancës për Shqiptarët kanë shpërndarë një porosi në rrjetet sociale duke theksuar se me partinë e tyre ASh është zgjedhur kryeparlamentari shqiptar, ndërsa edhe tani me votat e tyre po zgjedhet kryeministri shqiptar.
Ja postimi i shpërndarë:
Misioni kombëtarë i Aleancës për Shqiptarët vazhdon të jetë qëllimi i këtij grupacioni politik në Maqedoninë e Veriut, ku kjo parti për qëllime kombëtare dhe shtetërore nuk ka bërë kalkulime politike për nevoja ditore por ka mbështetur proceset madje duke u dëmtuar edhe politikisht si subjekt.
Gjatë zgjedhjes së Talat Xhaferit si kryetar i parlamentit të Maqedonisë së Veriut, Aleanca për Shqiptarët ka mbështetur me votat e saj zgjedhjen e Xheferit si kryeparlamentarë madje lideri saj Ziadin Sela mbrojti edhe me trupin e tij rënien e regjimit të Nikolla Gruevskit.
Tani në një moment tejet historik për shqiptarët e Maqedonisë së Veriut sërish tetë deputetët e Aleancës për Shqiptarët do të votojnë Talat Xhaferin për kryeministrin e parë shqiptarë të Maqedonisë së Veriut. (INA)
