Eftuar në “Live From Tirana” me Ronaldo Sharkën, ka qenë ish-konkurrentja e “Big Brother”, Olta Sheta. Ajo ka komentuar lojën e banorëve të “Big Brother VIP 4” si dhe dinamikat e fundit të ndodhura në shtëpinë më të famshme në Shqipëri.
Kur u pyet se si e shikon situatën mes Eglit dhe Gjestit, ajo u përgjigj:
“Te dashuria, unë nuk besoj që ta ketë aq të sinqertë karshi Gjestit. Unë mendoj se është një fiksim. Fiksim ndaj Gjestit dhe ndaj famës. Unë mendoj se njeriu nuk e ndan dot atë limitin, vijën e hollë mes dashurisë dhe fiksimit. Në momentin që ti ndahesh, atëherë e kupton a ka qenë fiksim apo dashuri. Prandaj duhet ta provosh ndarjen.
Unë mendoj se Egli ngaqë ka thënë një fjalë që “më pëlqen”, dhe dalja e Xumit në atë mënyrë që e bëri Egli, ajo do që t’i shkojë deri në fund dhe mendoj se është një nga ato femra që atë që e kërkon, do ta arrijë. Por nuk është dashuri, është fiksim. Normal që dhe për famë. Për famë njeriu çfarë nuk bën, jo më një lidhje”.
