Pirja e duhanit është një nga shprehitë më të rrezikshme të njeriut, e cila është e dëmshme për shëndetin e tij.
Cigaret shkaktojnë sëmundje të mishrave dhe dhëmbëve, sëmundje kronike të mushkërive, impotencë dhe infertilitet, si dhe rrisin rrezikun e kancerit të mushkërive, veshkave, fshikëzës dhe mitrës. Ato lënë pasoja jo vetëm për duhanpirësit aktivë, por edhe për njerëzit që janë në afërsi të duhanpirësve.
Për shkak të procesit të djegies, tymi i cigares, përveçse ndot ajrin, çliron më shumë se 6000 substanca, një numër i madh i të cilave janë vërtetuar si të dëmshme. Hulumtimet që janë duke u bërë vazhdimisht kanë treguar se nikotina nuk është shkaktari kryesor i sëmundjeve që shfaqen si pasojë e pirjes së duhanit, por tymi i cigares.
Pajisja që ngroh duhanin dhe nuk e djeg atë është një teknologji e re, e cila është dukshëm më e mirë se cigaret tradicionale. Pajisja elektronike nuk krijon tym që është plot me përbërës të dëmshëm, por vetëm e ngroh duhanin në një temperaturë maksimale prej 350 gradësh, duke lëshuar kështu shijen e vërtetë të duhanit. Përparësia e këtyre pajisjeve është se ato kanë më pak erë të pakëndshme, si dhe nuk kanë tym, katran dhe hi.
Ka më shumë se 6000 arsye pse nuk duhet të ndizni më kurrë cigare. Por e vetmja mënyrë për duhanpirësit e rritur që nuk e lënë duhanin, për të ruajtur shëndetin e tyre për të mos e vënë në rrezik më të madh, është që të zgjedhin një alternativë më të mirë, pra, pa tym.
