Mediat greke: Rama, drejt njohjes së Belerit si kryetar bashkie të Himarës

ina-online
ina-online

22/12/2023

Mediat greke shkruajnë se largimi i Jorgo Goros nga bashkia Himarë është një fitore e Kyriakos Mitsotakis. Sipas tyre, presionet e kryeministrit grek po detyrojnë Ramën që të bëj hapa mbrapa.

Media greke “Protothema” analizon 3 pikat e postimit të Ramës, duke theksuar se kryeministri shprehet se vetëm gjykata mund të lejojë betimin e Belerit si kryebashkiak i Himarës.

Ndërkohë që nga ana tjetër “CNN Greece” thekson se gjykata shqiptare shprehet se Jorgo Goro nuk mund të jetë në krye të bashkisë. Por fakti që Rama e pranon këtë vendim, është një njohje nga Rama e Fredi Belerit si kryetar bashkie.

“Burime kompetente theksojnë se arsyetimi i vendimit të sotëm të gjykatës shqiptare konfirmon se Fredi Beleris u zgjodh kryetar i Bashkisë së Himarës dhe se kandidati i mundur Goro nuk mund të vazhdojë të jetë kryetar bashkie. Pranimi i arsyetimit të vendimit nga kryeministri shqiptar është një hap i rëndësishëm në procesin e kalimit të pushtetit në Bashkinë Himarës deri në përfundimin e procesit gjyqësor”, shkruan CNN.

Shkrimi i Protothema:

Një zhvillim shumë i rëndësishëm për perspektivën e zgjidhjes së çështjes Beleri u shënua sot, nisur nga vendimi i gjykatës shqiptare që e njeh zotin Beleri si kryetar të zgjedhur të Bashkisë së Himarës dhe nënvizon se i zgjedhuri i tij Edi Ramës, Jorgo Goro nuk ka legjitimitet të ushtrojnë detyrat e tij.

Gjëja më interesante është se kryeministri shqiptar ndërhyn për këtë çështje përmes “X”, (Twitter) në vazhdën e diskutimit të fundit që pati me Kyriakos Mitsotakis në margjinat e Këshillit Europian në Bruksel pak ditë më parë, ku Greqia shprehu kundërshtimet e saj për vazhdimin e kursit europian të Shqipërisë, ndërkohë që çështja Beleri po përshkallëzohet

“Më konkretisht, në postimin e tij Rama përmend në pikën 3: “Referimi nga ana e GJKKO e ngërçit që krijohet në vazhdimësinë e përkohshme të detyrës nga ana e kandidatit humbës, përderisa faktikisht kryebashkiaku i zgjedhur mbetet në paraburgim, ndërkohë që kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit, e bën qartësisht të lexueshme dhe lehtësisht të kuptueshme nevojën e daljes nga ky ngërç përmes ndërprerjes së vazhdimësisë së qëndrimit në detyrë të kandidatit humbës, bazuar në praktikat më të mira europiane për sigurimin e shërbimeve publike në bashkinë e Himarë” – nënvizon zoti Rama në postimin e tij.

Postimi në fjalë nuk ka kaluar pa u vënë re nga Athina, në vijim të bisedës së fundit mes dy liderëve.

“Pranimi i arsyetimit të vendimit (të gjykatës) nga kryeministri shqiptar është një hap i rëndësishëm në procesin e kalimit të pushtetit në Bashkinë Himarë deri në përfundimin e procesit gjyqësor ”, – cituan burime kompetente për “Protothema” që e perceptojnë postimin publik të zotit Rama si “një hap prapa, në një përpjekje për të zbutur krizën e frikshme diplomatike”.

Sipas gazetës, “në procesin për Belerin, dëshmitarët e prokurorisë nuk u paraqitën dhe gjyqtari sqaroi se do të vazhdojë procesin vetëm me dëshmitarët e mbrojtjes së zotit Beleri, i transferuar këto ditë në burgun e Fierit. Dhe zoti Rama në përfundim të postimit të tij mund të theksojë se kjo ka të bëjë me drejtësinë dhe jo qeveritë, por shton se “arsyetimi i vendimit krijon një kusht pozitiv për përballimin e ngërçit”.

TË FUNDIT

ME TE LEXUARA

LEXO MË SHUMË

Blinken Edi rama

Kryeministri i Shqipërisë, Edi Rama iu ka drejtuar me një letër mirënjohjeje Sekretarit Amerikan të Shtetit, Antony Blinken

Rama Zelenski

Zelensky arrin sot në Tiranë, merr pjesë në Samitin për Ukrainë

Rama Zelenski

Zelensky të martën në Tiranë, merr pjesë në Samitin për Ukrainën

bajram begaj

Dy vjet luftë në Ukrainë, Presidenti Begaj: Vlerat tona të përbashkëta dhe liria jonë janë në rrezik

ksamil saranda

Shqipëria përzgjidhet destinacioni më i mirë në Europë për vitin 2023

Edi Rama

Edi Rama: Ja kur do të largohem nga zyra e kryeministrit të Shqipërisë!

policia-shqiperi shqiptare

Ngjarje e rëndë në Durrës, vajza vret dhe gropos të atin: Më detyroi të fejohesha pa dëshirë

kuvendi-i-shqiperise

Nuk ka 84 votat e nevojshme/ PS tërhiqet nga Amnistia Penale, e heq nga agjenda në Kuvend

kuvendi-i-shqiperise

“Amnistia Penale” rrezikon të mos kalojë sot në Kuvend, 84 votat në pikëpyetje! PD bojkoton seancën

INFO

NA NDIQ