Gjykata Penale Ndërkombëtare me seli në Hagë ka shprehur shqetësimin për kërcënimet ruse që erdhën pasi gjykata lëshoi një urdhër arresti për presidentin rus Vlladimir Putin nën dyshimin për krime lufte të kryera gjatë luftës në Ukrainë.
Moska, me kërcënime dhe veprime, po përpiqet të pengojë përpjekjet ndërkombëtare për të siguruar përgjegjësinë për shkeljet e ligjit ndërkombëtar, përgjigjet gjykata.
Reagimi vjen pasi ish-presidenti rus Dmitry Medvedev tha se çdo vend që përpiqet të arrestojë Putinin në bazë të një urdhër-arresti të lëshuar nga gjykata në Hagë do të nënkuptojë një shpallje lufte kundër Rusisë.
“Putin nuk do të arrestohet nëse hyn në Hungari”, njoftoi zyra e kryeministrit Orbán. Nga atje thonë se urdhri i Gjykatës Ndërkombëtare Penale nuk vlen në Hungari, sepse Statuti i Romës që themelon gjykatën, edhe pse është nënshkruar dhe ratifikuar, nuk është futur në sistemin tonë juridik.
