Çdo fëmijë që shkon në shkollë duhet të mbaj maskë, kështu deklaroi sot zëdhënësi i Komisionit për Sëmundje Infektive, Zllate Mehmedoviç, i cili theksoi se ky vendim vazhdon të vlejë pasi kështu janë rekomandimet nga Organizata Botërore e Shëndetësisë. Mehmedoviç tha se në KSI nuk ka pasur kërkesë për diskutim në lidhje me këtë çështje.
“Nuk është biseduar për qëndrimin në lidhje me mbajtjen ose jo të maskave në shkolla, por qëndrimi i Organizatës Botërore të Shëndetësisë dhe Qendrës Evropiane për Kontroll të Sëmundjeve është që në ambiente të mbyllura duhet të mbahen maska, përfshi edhe nëpër shkolla, nga mosha 6-vjeçare e më tepër”, tha Mehmedoviç.
