Kohëve të fundit shënon rritje numri i të prekurve nga Kovidi. Sipas mjekëve respektimi i masave është tejet i rëndësishëm, sidomos shmangia e ambienteve të mbipupulluara. Në një intervistë për Alsat Zllate Memedoviq thotë se në shtator do të ketë mjaftueshën vaksina. Ndërkohë AI flet edhe për nivelin e ulët të imunizimit të fëmijëve me vaksinën MRP.
“Mendoj se ka gjithnjë e më shumë faktorë, nuk mund të themi se ka një arsye pse po shohim rritje të numrit me Kovid. Arsyeja kryesore është se kovidi evoluon vazhdimisht, dhe ishte e qartë se do të ndodhte. Kishte periudha kur ato variante të saposhfaqura nuk ishin aq serioze. Ata nuk ishin shumë virulent, kështu që nuk kishte një numër të madh të rasteve pozitive. Por ka pasur edhe periudha kur realisht kemi parë një rritje të numrit të rasteve, siç është tani në periudhën e fundit, shiko tani në momentin që qarkullojnë kryesisht tre variante, është i ashtuquajturi HBB më i vjetri nga tre variantet. Tjetra është JLA varianti i cili është një evolucion i XBB variantit, dhe më i fundit është …. varianti i cili ka një mundësi serioze për të shmangur imunitetin, që krijohej më parë ose duke e kaluar ose me imunizimin. Variante të tilla të reja që evoluojnë në momente të caktuara kanë numër aq të madh mutacionesh, sa që praktikisht anashkalojnë imunitetin dhe shkaktojnë simptoma. Gjatë tre javëve të fundit, komisioni i sëmundjeve infektive shqyrtoi me detaje raportin e institutit të shëndetit publik për të gjithë pacientët e ri të regjistruar, si dhe për ambientet spitalore, mbushja e ambienteve spitalore me të shtruar nga Kovid, dhe kemi bërë disa rekomandime. Ne patëm një takim online të dielën e kaluar. Kemi dalë me disa rekomandime për të zbutur efektin e këtyre varianteve të reja të Kovid-it që po qarkullojnë tani. Një nga ato rekomandime ishin të respektohen masat për përdorimin e pajisjeve mbrojtëse personale dhe të shmanget qëndrimi, veçanërisht për personat me sëmundje kronike dhe ata që janë mbi 65 vjeç në dhoma të mbyllura, në qendrat tregtare ku mund t’i merrni Kovid, dhe nëse e bëni këtë ta bëni me një maskë mbrojtëse për fytyrën, dhe sigurisht që ne u kemi dhënë rekomandim institucioneve shëndetësore që ta respektojnë rregullat e shtëpisë për vizitat, me qëllim që të minimizohet qëndrimi i vizitorëve në objektet shëndetësore, dhe në këtë mënyrë të parandalohet transmetimi i infeksionit. Sipas informacioneve që kemi marrë nga Ministria e Shëndetësisë, do të jenë në dispozicion nga shtatori rreth 11.000 doza të vaksinës për Kovid, ku mund të forcohet imuniteti te ata që tashmë kanë marrë vaksinën, dhe gjatë muajve të vjeshtës, sipas vlerësimeve, do të shihet nëse ka nevojë për sasi shtesë. Situata me kollën e madhe, nga aspekti i asaj se si funksionojnë masat parandaluese dhe kur e them këtë, para së gjithash kam parasysh numrin e masës parandaluese numër një, që është vaksinimi. Kjo është mirë dhe e kënaqshme sepse janë aplikuar 60 mijë vaksina në periudhën nga muaji janar 2004 deri më sot. Mbeten sipas përllogaritjeve tona, rreth 10 mijë fëmijë që nuk janë vaksinuar, që është një përqindje minimale dhe ajo përqindje minimale pritet të arrihet shpejt në periudhën e ardhshme. Nëse shikojmë nga prizmi i këtyre të dhënave, atëherë probabiliteti që epidemia me kollë e mirë të përfundojë së shpejti është mjaft reale që të pritet fundi i epidemisë”, tha Zllate Memedoviq, mjek.
Për në fund, çfarë u rekomandoni qytetarëve që të jenë më të shëndetshëm, të kujdesen më mirë?
“Fillimisht do t’u rekomandoja të mos shqetësohen sepse si Komision i sëmundjeve ngjitëse, realisht po e monitorojmë situatën nga afër dhe shohim t’i dimensionojmë rekomandimet tona se çfarë varianti kemi, sa i rrezikshëm është dhe çfarë mund të thotë për shëndetin e qytetarëve. Do të mjaftonte t’i ndiqnin rekomandimet e Komisionit të sëmundjeve infektive që të konsiderojnë se siguria e tyre është pothuajse maksimalisht e garantuar, nga këndvështrimi tjetër, si mjek do të thosha…jo si anëtar i Komisionit të sëmundjeve infektive, që tani për momentin nuk ka nevojë për shqetësim, ankth apo panik për atë që na ndodh në vend dhe në lidhje me çdo sëmundje infektive, do të thotë, nuk po flas këtu vetëm për Covid-in, nuk po flas vetëm për kollën e mirë, për momentin, të gjitha ato sëmundje infektive që ndiqen në buletinin mujor të Institutit të shëndetit publik nuk tregojnë se kemi rrezik për sëmundje infektive tashmë ekzistuese që mund të kërcënojë shëndetin publik. A kemi rrezik nga jashtë? Sigurisht që kemi, por do t’u kthehemi rekomandimeve të vaksinimit apo edukimit të prindërve, ndërgjegjësimi i prindërve, veçanërisht kur bëhet fjalë për fruthin. Do ta shfrytëzoj këtë mundësi që të apeloj deri tek prindërit që t’i respektojnë rekomandimet ligjore për vaksinimin e detyrueshëm dhe rekomandimet mjekësore që i kanë vërtetuar përfitimet e përdorimit të vaksinimit të fëmijëve nga fruthi për të parandaluar transmetimin e mundshëm të virusit në Maqedoni dhe në këtë mënyrë të rrezikojmë shëndetin e fëmijëve që nuk janë vaksinuar. Përqindja e vaksinimit me vaksinën MRP është jashtëzakonisht e ulët për dozën e parë që merret çdo vit, mendoj se është rreth 73 për qind sipas informacioneve të fundit që i kemi, që mos të kemi mundësi të krijohen kushte për epidemi në Maqedoni, duhet të paktën 95 për qind të jenë të vaksinuar. Prandaj apeloj, mos t’u japim fëmijët tanë sëmundje, por përkundrazi, ta parandalojmë gjithçka që mund të parandalohet me vaksinim”, shtoi Zllate Memedoviq, mjek.
