Moti sot në mëngjes do të jetë i ftoftë, me kushte për dukuri të mjegullës nëpër disa lugina. Gjatë ditës do të jetë me diell, me vranësira të vogla deri mesatare lokale. Do të fryjë erë e dobët deri mesatare nga drejtimi jugor.
“Temperatura minimale do të jetë në interval prej -7 deri -3, ndërsa maksimalja do të arrijë prej 8 deri 13 gradë”, paralajmëron Drejtoria për punë hidrometeorologjike (DPHM).
Në Shkup moti do të jetë në mëngjes ftoftë, me kushte për paraqitje të mjegullës, gjatë ditë me diell dhe me vranësira të vogla dhe kryesisht i qetë. Temperatura minimale do të zbresë deri -5, ndërsa maksimalja do të arrijë 9 gradë.
Siç paralajmëroi DPHM, nesër pasdite, gjatë natës dhe të shtunën paradite, nën ndikimin e valës së lagësht të ftoftë moti do të jetë kryesisht i ndryshueshëm me reshje të cilat në male dhe në viset më të larta do të jenë me botë, ndërsa në pjesët e tjera me shi dhe do të kalojnë në reshje të kohëpaskohshme të borës. Të shtunën do të fryjë erë e matir, përgjatë Vardarit e përforcuar nga drejtimi verior. Më pas në dy ditët në vijim moti do të jetë stabil dhe i thatë me kushte për paraqitje të mjegullës nëpër lugina. Reshje të reja të shiut priten të martën.
