Mërgimtari nga Zvicra e takon Valon Sylën, ia dhuron një palë patika të bardha

Një mërgimtar nga Zvicra e ka surprizuar gazetarin Valon Syla me një palë patika të bardha.

Naman Mustafi përmes një fotografie të publikuar në Facebook, ku shihet së bashku me Valon Sylën, ka treguar që ka mërgimtarë që e dojnë atë, anipse ky i fundit i quajti ‘gërrnaça’.

“Me Valon A. Sylën një gazetar simpatik. Erdha me u taku nga Lausanne edhe më priti me humor e mikpritje. Ja pruna një parë patika të bardha, me kompromis që pastaj i ndëron ngjyrat babika. Me rendesi u knaqëm edhe ja bona me dije që krejt diaspora nuk e shanë por ka edhe plotë që e dojnë e mbështesin”, shkroi Mustafi.

Kujtojmë se Syla përmes një statusi në Facebook kishte etiketuar mërgimtarët, duke ju thënë se patikat e bardha i kanë bërë sikur ‘uniformë’.

“Ku jeni Diaspora, a zbon me pas tjera patika ju, a veç të bardha…”, shkroi Syla.