Mbrëmjen e djeshme në ora 20:43 në SPB Shkup është raportuar se në autostradën Shkup-Kumanovë, në dalje nga Shkupi, J.I.(20) nga Shkupi, me vendbanim në Zvicër, duke drejtuar automjetin e pasagjerëve “Audi” me targa zvicerane ka goditur një këmbësor G.S.(54) nga fshati Pçinjë i Kumanovës, me çka ka lënë veturën dhe është larguar nga vendi.
Nga plagët e marra këmbësori G.S. ka ndërruar jetë në vend, ndërsa mjeku i Emergjencave Mjekësore ka konstatuar vdekjen e tij.
Rreth orës 21:40, J.I. vetë është lajmëruar në Spitalin e Përgjithshëm të Kumanovës, ku i është dhënë ndihma mjekësore dhe është konstatuar me lëndime fizike. Një ekip nga SPB Shkup ka kryer kontroll në vendin e aksidentit.(INA)
