Kreu i njërit krah të ndarë të Aleancës për Shqiptarët, Zijadin Sela ka thënë se nuk dëshiron të komentojë deklaratat e Arben Taravarit.
Sela më tej tha se Taravari do të përfundojë si nënkryetar i VMRO-DPMNE-së.
“Nuk dua shumë t’i komentoj deklaratat e Taravarit. Natyrisht që procesi gjyqësore rreth vulave të partisë është në vazhdim e sipër. Qëllimisht kam heshtur gjatë gjithë kësaj kohe dhe nuk jam deklaruar dhe ai ka bërë atë fëmiun që ia kanë marrë, vazhdimisht se gjoja presiomn gjykata e gjëra të tilla. Por, siç po shihet presioni nëpër gjykata është nga ana e tij dhe gojën plotë kjo qeveri me reforma në gjyqësi, por nga ana tjetër ata janë ato që i bëjnë këto presione. Siç duket Taravari do të përfundojë nënkryetar i VMRO-DPMNE-së”, deklaroi Sela.
Nga ana tjetër, kryetari i krahut tjetër të Aleancës për Shqiptarët, Arben Taravari ka komentuar mbledhjen e Kuvendit Qendror të ASH-së, krahu i Selës, që u mbajt sot në Shkup.
“Vazhdoj të mendoj se janë një fraksion i vogël i ASH-së. Tashmë disa dhjetëra njerëz, shumica përkrahës të Ziadinit me të madhe i bashkangjiten Aleancës për Shqiptarët. Por, s’dua ta kamentoj. Ju uroj vetëm shëndet dhe të kenë sukses”, tha Taravari.
Deklaratat e Selës për të, Taravari i quajti cinike dhe jo të denja për një ish bashkëpunëtor. “Mendoj se është cinike, për një bashkëpunëtor që e ka pas 8-9 vite. Por, sidoqoftë vetëm sukses të ketë”, tha Taravari për gazetën LAJM.
