Lionel Messi është rikthyer te Paris Saint-Germaini dhe menjëherë ka realizuar gol.
Messi shënoi të mërkurën mbrëma në fitoren e PSG-së kundër Angersit, 2:0, në ndeshjen që i takoi xhiros së 18-të të elitës së futbollit francez.
Hugo Ekitike e zhbllokoi rezultatin në minutën e pestë, kurse fituesi i Botërorit me Argjentinën, Messi, shënoi në minutën e 72-të të ndeshjes.
Para ndeshjes që u zhvillua në “Parkun e Princave”, lojtarët dhe të pranishmit në stadium e kujtuan legjendën e futbollit, Pelen, që vdiq në fund të dhjetorit.
