Messi ka kontratë me PSG-në deri më 30 qershor, por është e qartë se ai nuk do të qëndrojë më në Paris. Për të është një punë e përfunduar, tani pyetja e vetme është se në cilin klub do të vazhdojë karrierën.
Mediat raportuan se Messi e ka “zhbllokuar” edhe Barcelonën, i vetëdijshëm se klubi katalanas nuk mund t’i ofrojë atë që dëshiron, ndonëse katalanasit ende shpresojnë që në bazë të dashurisë së tyre të kahmotshme, ta kthejnë në shtëpi argjentinasin.
Megjithatë, mediat në mbarë botën pohojnë se babai i tij Jorge Messi ka pranuar ofertën e Al Hilal dhe do të udhëtojë për në Arabinë Saudite. Atyre iu ofruan shuma përrallore që do të jetë më e larta në historinë e këtij sporti.
Sipas informacioneve, Al-Hilal i ofron Messit deri në 1.2 miliardë euro për një kontratë dyvjeçare, pra 600 milionë euro në sezon, sigurisht me komisione, bonuse dhe gjithçka tjetër pason.
