Shkruan Dijana Toska
Në një kontekst terapeutik metaforat janë një element thelbësor që ndihmojnë pacientin të arrijë ndryshime të shpejta e të rëndësishme. Ato duhet të jenë të kuptueshme për pacientin dhe duhet ti përshtaten situatës së tij, që të kuptojë thelbin e problemit dhe të ndjehet i motivuar të çojë përpara ndryshimin sidomos te ata pacient që shihet se kanë humbur rrugën…
Psikoterapeutët i përdorin metaforat për fuqinë e madhe komunikuese që ato kanë, njëlloj sikure publikimi aktual i disa mesazheve të shkruara përmes telefonit, ku Artan Grubi urdhëron të gjithë drejtorët e klinikave që i takojnë BDI e punojnë nëpër spitalet e shtetit, të mos vijnë në punë e nëse duhet le të marin edhe pushim mjekësor, vetëm e vetëm për ta bojkotuar, ministrin aktual të shëndetësisë që i takon një partie tjetër e që duhet të shkarkohet me çdo kusht në prag të zgjedhjeve sepse kështu e lypin hesapet e BDI.
Kur mjeku shkel etikën e tijë dhe shndërohet me vetëdëshirë në një pacient laboratoresh politike, e votuesit luajnë rolin e Lolos në këtë shoqëri teatrale tragjikomike, gjithmonë hapësirë manovrimi do të gjejnë lloj lloj psikoterapeut për “lavdinë “e të cilëve do të shkruhen rrëfime të mbushura me humor të zi dhe me pak modernizëm si përralla të mileniumit të ri.
