Kryetari i Lëvizjes Demokratike, pjesë e koalicionit VLEN, Izet Mexhtit tha se sot me fillim nga ora 14:00 do të mblidhen liderët e koalicionit VLEN në Shkup.
Sipas tij, në mbledhje do të diskutohet për vendimin e ASH-Taravari, që mbrëmë vendosën që në zgjedhje lokale të shkojnë me lista të veçanta për këshilltarë, ndërsa theksuan se për kandidatët për kryetarë të komunave, janë të hapur për bashkëpunime me të gjitha partitë.
“Për çështjen e ASH-së sot mbledhet VLEN-i në ora 2, do të diskutohet dhe do të ketë konkluzione nga mbledhja”, deklaroi Mexhiti.
