Nënkryetari i BDI- së dhe deputet, Izet Mexhiti nga Llazhani i Dollnenit të Krushevës, pyeti se pse këto zona janë harruar krejtësisht nga kjo Qeveri.
“Është lehtë të bësh politika të mëdha në Shkup e Tetovë, por këtu është tjetër gjendje, jeni më pak dhe keni nevojë për mbështetje, andaj duhet pyetur pse nuk vjen ekzekutivi të ju viziton, pse nuk vijnë deputetët e zonës Talat Xhaferi dhe Ismail Jaovski? Kemi ministra që nuk i donë as shpija, nuk i do Çairi as Shkupi, andaj takohen mes vete, me funksionarë, me këshilltarë me bodigarda, të cilët i detyrojnë të vijnë në këto takime, por asnjëherë me qytetarin, me votuesin”, tha Mexhiti.
Sipas tij, në Kuvend po bëhet cirk, për zgjerimin e Qeverisë. “Ata thanë se hynë Aleanca për të bërë 81 deputet, tani nuk e dijnë a i kanë 61? Artan Grubi ende pa u krijuar qeveria e futi BDI-në në minus, më pak ministra, më pak zëvendësministra,më pak sekretarë shtetërorë, më pak drejtorë”, theksoi Mexhiti. (INA)