“Ali Ahmetin dhe BDI-në e ka lënë mendja”, kjo është një fjali që i atribohej Izet Mexhitit, njëri nga drejtuesit e fraksionit në BDI e publikuar në disa portale.
Por, Mexhiti përmes një postimi në rrjetet sociale ka thënë se është lajm i rrejshëm dhe i trilluar që sipas tij vjen nga portale të financuara nga Artan Grubi.
“FAKE NEWS!!!
Të nderuar qytetarë,
Dua që ashpër të demantoj të pavërtetat e plasuara në opinion nga portalet e finansuara nga Artan Grubi, të cilat veçmë janë të njohura për shpërndarje të lajmeve të rrejshme dhe të shtrembëruara!
Fatkeqësisht, edhe njëherë konstatojmë që Artan Grubi nuk e kursen as Ali Ahmetin për të arritur qëllimet e tij të mbrapshta për thellimin e përçarjes brenda Bashkimit Demokratik për Integrim.
Kërkoj nga mediumet në fjalë që ta tërhjekin këtë lajm të rrejshëm” thuhet në reagimin e Izet Mexhitit”.
