Zëvendëskryeministri i parë dhe lideri i Lëvizjes Demokratike, Izet Mexhiti, ka reaguar ashpër në lidhje me kundërshtimet ndaj ligjit për përfaqësim të drejtë dhe adekuat të shqiptarëve në administratën shtetërore.
Në një postim publik, Mexhiti ka theksuar se pa një ligj të qartë, kontratat, punësimet dhe vendimet që kanë të bëjnë me shqiptarët janë të kontrolluara nga individë që ai i quan “sherifë të Reçicës së Vogël”.
“Me ligj, secilit shqiptar e shqiptare i jepet shans i barabartë për punësim në administratë. Sherifat nga Reçica e Vogël ngelin pa punë. Prandaj janë kundër!”, ka deklaruar Mexhiti.
Ky reagim vjen në kohën kur qeveria ka paralajmëruar dërgimin e ligjit për përfaqësim të drejtë në Komisionin e Venecias, ndërsa debati publik dhe politik mbi këtë çështje po bëhet gjithnjë e më i ashpër. (INA)
