Nënkryetari i BDI-së, Izet Mexhiti bashkë me sekretarin organizativ, Blerim Bexhetin, Visar Ganiun dhe të tjerë kanë takuar mbrëmë banorë të Butelit të Shkupit, ku janë shpalosur qëndrimet e tyre rreth fraksionit.
“Agjenda jonë për të takuar sovranin ka një dinamikë që çdo ditë e më tepër po intensifikohet dhe po merr kuptim. Takohemi nëpër zyre, na nderojnë nëpër shtëpitë e tyre, takohemi në çajtore, besa edhe nëpër rrugë. Por ajo që është kryesore, duam t’i ndëgjojmë edhe kërkesat e qytetarëve, edhe sugjerimet, edhe fjalët e mira, por me shumë vëmendje i ndëgjojmë edhe kritikat!
Kjo është menyra si ne funksionojmë. Vota dhe përkrahja janë amanet dhe ne votës dhe përkrahjes së dhënë do t’i qëndrojmë karshi! Sonte jemi në Butel, e nuk do të ndalemi deri sa ta vizitojmë çdo vendbanim ku ka shqiptarë!
Faleminderit nga zemra për përkrahjen e sinqertë!“, ka shkruar Mexhiti në një postim në rrjetet sociale.(INA)
