“Ndikimi i ndryshimeve klimatike mbi fëmijët ishte tema kryesore e takimit të sotëm me zonjën Lesley Miller, përfaqësuese e UNICEF në vendin tonë. Kjo është një çështje me rëndësi kritike, pasi sfidat që sjellin ndryshimet klimatike janë të mëdha, duke përfshirë rreziqet nga katastrofat natyrore, përkeqësimin e kushteve të jetesës, dhe pasojat negative mbi shëndetin e qytetarëve në përgjithësi, por zhvillimin e fëmijëve, në veçanti!
Gjatë takimit, diskutuam gjerësisht për këto sfida dhe shqyrtuam strategjitë e mundshme për të integruar mbrojtjen e fëmijëve sidomos, në politikat dhe masat që lidhen me klimën.
Në përfundim, u dakorduam të intensifikojmë bashkëpunimin për të zhvilluar dhe zbatuar strategji që mbrojnë mirëqenien dhe adresojnë këto sfida”, deklaroi Zv/kryeministri Izet Mexhiti. (INA)
