Kryetari i VMRO-DOMNE-së, Hristian Mickoski, sot ka folur rreth takimi të tij me kryeministrin bullgar Kirill Petkov. Mickoski tha se autoritetet bullgare kërkojnë përfshirjen e bullgarëve në Kushtetutë por nuk janë të gatshëm për reciprocitet.
“Kurrfarë lëshimesh nuk kërkuan nga unë bullgarët. E përmendën atë që e thanë edhe në opinion për ndryshimin e Kushtetutës dhe të përfshihet një pjesë e popullit bullgar, pakicë e pakonsiderueshme në Maqedoni në Kushtetutë. Këtë e kërkuan. Për këtë nuk janë të gatshëm për reciprocitet për një pjesë të konsiderueshme të popullit maqedonas që jeton në atë pjesë tek fqinji ynë lindor. Dhe nuk janë të gatshëm ta heqin fusnotën nënçmuese të gjuhës maqedonase që është e kodifikuar dhe gjuhë më vete dhe e ndryshme nga gjuha bullgare”, tha Hristijan Mickoski pas vendosjes së luleve në varrin e Goce Dellçevit me rastin e 150-vjetorit të lindjes së tij.
