Kryetari i VMRO-DPMNE-së, Hristijan Mickoski nga Strumica, kërcënoi se deputetët e opozitës do të largohen nga Kuvendi nëse qeveria tenton të keqpërdor procedurën e shkurtuar dhe flamurin evropian gjatë bartjes së Ligjit të shpallur për amnisti.
“Ai ligj i turpshëm për Amnisti Penale që ata kanë dorëzuar tani është vetëm një tregues i dëshpërimit në të cilin ata janë. Fillimisht e sollën pas një procedure të shkurtuar, duke abuzuar me ligjin e flamurit europian për të ndryshuar anëtarët e KQ, me të cilin duan të mendojnë se janë të mbrojtur pas rënies nga pushteti, dhe tani para zgjedhjeve po krijojnë një skenar për lirinë e një numri të madh kriminelësh, mendojnë se do t’i ndihmojnë në fushatën zgjedhore. Kovaçevski, duhet ta pranoj, paguan një çmim të lartë për koalicionin e tij dhe degradon fuqishëm shoqërinë tonë ku hyn në fuqi parimi i mosndëshkimit”, theksoi Mickoski.
Ai tha se VMRO-DPMNE do ta bllokojë miratimin e ligjit. (INA)
