Kryetari aktual i VMRO-DPMNE, Hristijan Mickoski sot është shfaqur me një foto me Gordana Jankullovska. ish-ministren e brendshme të Qeverisë së Nikolla Gruevskit.
“Një takim i fuqishëm sa Gorda. Padrejtësia asnjëherë nuk na ka thyer”, ka shkruar Mickoski.
Jankullovska është e njohur më parë si njeriu më besnik i Gruevskit, por me këtë foto ajo u pozicionua në kampin e Mickoskit, pas përplasjeve të fundit mes dy figurave kyçe të VMRO-së.
Mickoski dhe Gruevski së fundi po përballen me një debat në distancë me akuza dhe kundërakuza për koketime me pushtetin aktual.(INA)
