Lideri i opozitës Hristijan Mickoski i bën thirrje kryeministrit Dimitar Kovaçevski për unitet kombëtar, shkruan Alsat.
Ai kërkon nga kreu i ekzekutivit të ulet në një takim me dyer të hapura dhe të bisedohet për të gjitha çështjet për të cilat duhet arritur konsensus.
“Duhet përfundimit të ndalojmë së përçari dhe të ulemi bashkërisht të bisedojmë për atë që quhet interes kombëtarë dhe shtetëror. Unë zgjas dorën, VMRO-DPMNE-ja është këtu. Derisa nga oponenti ynë politikë pranohet fakti se duhet të heqë dorë nga politikat qorre të Zaevizmit, jemi këtu dhe jemi të gatshëm për çdo gjë”, tha Hristijan Mickoski, Kryetar i VMRO-DPMNE-së.
Por Kovaçevski thotë se oferta e VMRO DPMNE-së është hipokrizi. Sipas tij, konsensusi duhet arritur në Kuvend, gjë për të cilët sipas tij opozita punon kundër.
“Uniteti dhe përfaqësimi në vendin tonë reflektohet dhe bëhet në Kuvend i cili paraqet shtëpinë e qytetarëve të përfaqësuar nga të zgjedhurit e tyre”, u shpreh Dimitar Kovaçevski, Kryeministër.
Akoma nuk ka një datë për takim liderësh. Kryeministri Kovaçevski tha se opinioni do të njoftohet në kohë kur do të caktohet takimi me Mickoskin. I njëjti një takim me liderin e opozitës e kishte premtuar që në mbrëmjen kur u zgjodh kryetar i LSDM-së./Alsat
