“Nëse mendon se fakti që një pjesë e udhëheqësisë së BDI-së, e cila në të kaluarën është dyshuar se ka kryer vepra penale, përbën cenim të të drejtave të shqiptarëve – jo, kjo është luftë kundër kriminelëve. Shpresoj që ai (Ahmeti) të mos identifikohet me ta. Nëse identifikohet me ta, atëherë edhe ai duhet të presë që, një ditë, ata që luftojnë kundër këtyre kriminelëve, t’i trokasin në derë edhe atij.”
Këtë mesazh ia dërgoi sot kryeministri Hristijan Mickoski liderit të BDI-së.
Mickoski tha se do ta këshillonte që të mos identifikohet me njerëz për të cilët ekziston dyshim i bazuar se kanë kryer vepra kriminale.
“Të njëjtët prokurorë dhe gjykatës, të cilët janë zgjedhur nga shumica e përbërë nga LSDM dhe BDI, po ngrejnë aktakuza kundër persona nga BDI-ja. E di që ka shumë të tjerë që janë të mbrojtur nga këta prokurorë, kjo më është e qartë,” tha Mickoski.
