Kreu i VMRO-DPMNE-së, Hristijan Mickoski ka publikuar sot dokumentacionin sipas të cilit edhe këtë vit në Onkologji barnat janë blerë në mënyrë të paligjshme, pacientët e kanë marrë kimioterapinë në një qese dhe në spitale të tjera. Ai po ashtu nënvizoi se autoritetet kanë blerë ilaçe edhe në një situatë kur kanë pasur depo të plota me furnizime.
“Sipas kontrollit të jashtëzakonshëm financiar të Fondit të Shëndetësisë, i cili ka krehur blerjet e Onkologjisë këtë pranverë, është konstatuar se shitësit me shumicë janë vonuar me dorëzimin e barnave, për këtë arsye pacientët kanë mbetur pa terapi, ndërsa spitali heshtë”, theksoi kreu i VMRO-së.
Mickoski bëri të ditur se përkundër faktit se Onkologjia kishte në magazinë 1,5 miliardë denarë barna, të njëjtat barna janë blerë sërish nga klinika. Sipas tij, nuk ka asnjë gjurmë se çfarë ka ndodhur me kimioterapinë e tepërt, kush e ka marrë dhe ku ka përfunduar.
Mickoski kërkoi zgjerimin e punës së Komisionit hetimor në Kuvend dhe përfshirjen e funksionimit të klinikës në periudhën e dy viteve të fundit. Ai kërkoi angazhim më të madh nga prokuroria, duke shprehur dyshimin se deri në fund të mandatit të këtij autoriteti, çështja Onkologji do të kalojë në një nivel mbi parahetimin.(INA)
