Kryeministri Hristijan Mickoski i është përgjigjur deputetit të BDI-së Blerim Bexheti, i cili në pyetje deputetësh në Kuvend tha se tashmë 6 muaj nuk ka asnjë informacion nga paralajmërimi për Ligjin për Përfaqësim të Drejtë dhe Adekuat, përcjell TV21. Mickoski i tha Bexhetit se Ligji është gati, por që po shqyrtohet nëse i njëjti është në përputhje me Kushtetutën.
“Mirë, faleminderit, ju keni qenë ministër i Drejtësisë, dhe supozoj do t’ju kujtohet një dokument, për hir të së vërtetës, në atë periudhë nuk keni qenë ministër për Drejtësi, keni qenë kryetar i Sarajit. Gjykata Kushtetuese, të zgjedhur, përfaqësuesit, të zgjedhur me shumicë nga qeveria ku ju bënit pjesë, me rekomandimin tuaj, e shfuqizoi Balancuesin. Duhet ta dijë opinioni, dmth Gjykata Kushtetuese, gjykatësit kushtetues janë zgjedhur në kohën kur opozita e sotme, ulej në këtë anë dhe ishte pushtet. Qeveria, ku bënte pjesë LSDM dhe BDI, mori vendim dhe i rekomandoi Gjykatës Kushtetuese se Balancuesit i ka kaluar koha. E tani rreth ligjit, ligji është gati që nga viti i kaluar, para 6 muajve, por për dallim prej kohës kur ju ishit ministër i Drejtësisë, tani ligjet duhet të jenë në përputhje me Kushtetutën, që mos të na ndodhë sërish të bien në Gjykatën Kushtetuese”, tha Mickoski.
