Kryeministri Hristijan Mickoski njoftoi se do të nënshkruhet marrëveshje për partneritet strategjik mes qeverisë së Britanisë dhe qeverisë së Maqedonisë së Veriut.
Mickoski tha se marrëveshja do të sigurojë cikël investimesh në vlerë të 6 miliardë eurove.
“Për ne është historike kjo ngjarje, si shtet, sepse veç sa e përfunduam takimin me kryeministrin e Mbretërisë së Bashkuar. Opinioni në Maqedoni do të jetë dëshmitar i marrëveshjes për partneritet strategjik. Marrëveshje që do të mundësojë cikël investues në vlerë të 5 miliardë funteve, ose më saktë 6 miliardë eurove, në pjesën e infrastrukturës, hekurudhës, transportit, shëndetësisë, e kështu me radhë”, tha Mickoski duke shtuar se detajet tjera do të bëhen të ditura ditëve në vijim./tv21.tv
