Lideri i VMRO-DPMNE-së, Hrisitijan Mickoski sot sërish hodhi poshtë akuzat e pushtetit për bllokim të punës në Komisionin për Zgjedhje dhe Emërime, përcjell TV21. Mickoski tha se kryeparlamentari të njëjtën mbledhje mund ta thirret vet, derisa theksoi se nuk do të lejojë që gjykatësit të zgjidhen me dekrete partiake.
“Ky Komision ka numër të mjaftueshëm të deputetëve, duhet që vetëm kryeparlamentar të merr guximin, ta caktojë, dhe ai Komision të mblidhet. Tash nëse ata duan të partizojnë gjykatës kushtetues me dekrete të partisë, nëse duan që anëtarë të trupave rregullatorë të vendosen me dekrete të partisë, më falni por unë nuk pajtohem, dhe do të bëj gjithçka që është në fuqinë time që mos ta lejoj këtë. E inkurajoj kryeparlamentarin Xhaferi që të caktojë këtë seancë”, deklaroi Mickoski.
