Kryetari i VMRO-DPMNE-së, Hristijan Mickoski theksoi se partia e tyre i pranon ndryshimet kushtetuese sipas modelit kroat.
“Nuk e di nëse janë të sigurtë se duan që të jetë sipas preambulës së Kushtetutës kroate. Unë jam i gatshëm nëse kjo është formulë suksesi, që nesër të nis procedura, që Maqedonia të jetën shteti i një populli dhe i pakicave në të. Që nesër le të hapim Preambulën e Kushtetutës dhe ta bëjmë sipas modelit kroat, por mos të pendohen më vonë” , deklaroi kreu i VMRO-DPMNE-së, duke shtuar se kjo është formulë e suksesit.
Në Kushtetutën e Kroacisë thuhet se shteti është i themeluar nga kombi kroat dhe bashkësitë e tjera etnike që jetojnë, ku përmenden me radhë. dhe se kjo është formulë e suksesit.
Ndryshimet kushtetuese janë pjesë e procesit në BE dhe ato dduhet të bëhen për përfshirjen e pakicës bullgare në preambulën e Kushtetutës së vendit, si popull shtetformues, ashtu siç parashihet me marrëveshjen me Bullgarinë, bazuar në atë që njihet si “propozimi francez” për zgjidhjen e mosmarrëveshjeve mes dy shteteve për identitetin maqedonas, gjuhën dhe dallimet historike. (INA)
