Kryetari i VMRO-DPMNE-së, Hristian Mickoski sot në konferencën për shtyp tha se ka informacione të reja për Klinikën e Onkologjisë për periudhën nga viti 2021 deri në vitin 2023.
Mickoski prezantoi raporti nga Fondi për sigurim shëndetësor, i cili ka kryer kontroll të jashtëzakonshme financiare të furnizimeve publike në Ministrinë e Shëndetësisë për periudhën nga 1 gushti i vitit 2021 deri më 1 gusht të vitit 2023 dhe në Klinikën e Onkologjisë për periudhën nga dhjetori i vitit 2022 deri në mars të vitit 2023.
Raporti, siç theksoi Mickoski, tregon se ilaçet për pacientë janë vonuar, ndërsa për këtë askush nuk ka dërguar shkrim dhe nuk janë ndërprerë kontratat me furnizuesit, nuk ka pasur kontroll gjatë aplikimit të ilaçeve që u jepen pacientëve që janë të shtrirë në Klinikë dhe u janë dhënë pacientëve, të cilët është dashur t’i pranojnë në klinika tjera, ndërsa për këtë nuk ka asnjë vërtetim nëse këto ilaçe i ka pranuar pacienti.
Të gjitha dokumentet, siç paralajmëroi, do të dërgohen në Prokurorinë publike, ndërsa nga Komisioni hetimor në Kuvend kërkojnë që ta zgjerojë shtrirjen edhe me këtë periudhë të raportit.
“Bëhet fjalë për mafia të organizuar, e cila për fat të keq, ende operon, mafia e cila përfiton në kurriz të qytetarëve. Ajo që këtu është e befasuese nuk është vetëm krimi, por pashpirtësia që të përfitohet në kurriz të tjetër kujt. Duhet të ketë përgjegjësi. Kërkojmë që Komisioni në Kuvend të zgjerohet dhe të përfshihet edhe kjo periudhë nga raporti. Të gjitha këto informacione do të dorëzohen në Prokurorinë publike”, tha Mickoski.
