Mickoski: Pres që Von der Leyen të thotë se Maqedoni do fillojë negociatat pa kushte

ina-online
ina-online

29/10/2023

Kryetari i VMRO-DPMNE-së, Hristijan Mickoski duke komentuar vizitën e presidentes së KE-së në vend, Ursula von der Leyen tha se, pret zyrtarja evropiane të befasojë pozitivisht vendin dhe të thotë se vendi do të fillojë negociatat pa asnjë kusht.

Ai tha se, kjo është më e pakta që ajo mund të bëjë për të treguar respekt ndaj popullit maqedonas.

“Pres që presidentja e Komisionit Evropian, të dalë me qëndrim se Maqedonia do të fillojë në mënyrë të pakushtëzuar negociatat me BE-në, edhe pse jam shumë i vetëdijshëm për mangësitë e shumta që i kemi në planin vendor për shkak të Qeverisë së korruptuar. Në atë mënyrë do t’i jepet mirënjohje qytetarëve dhe shtetit për 23 vitet e kaluara, kur nënshkruam marrëveshjen për stabilizim dhe do t’i jep respekt për gjitha poshtërimet që i ka përjetuar populli maqedonas”. – deklaroi Mickoski.

Presidentja e KE-së do të fillojë nesër vizitën zyrtare në Shkup, prej ku edhe nis turneun e saj në vendet e Ballkanit Perëndimor.

Siç kumtuan nga KE, von der Leyen të dielën do të takohet me presidentin e shtetit Stevo Pendarovski, për të vazhduar më pas të hënën me aktivitet e saja në kudër të vizitës zyrtare.

“Pas konferencës për media të presidentes von der Leyen dhe kryeministrit Kovaçevski që do të mbahet të hënën në ndërtesën e Qeverisë, presidentja dhe kryeministri do të vizitojnë një fabrikë afër Shkupit për përpunimin e pemëve dhe perimeve. Fabrika ka marrë ndihmë të konsiderueshme nga programi IPARD i financuar nga BE, i cili i mundësoi asaj të përmirësojë kapacitetet e saj prodhuese, të eksportojë produktet e saj në tregun e vetëm të BE-së dhe të sigurojë vendet e punës për punonjësit e saj” – thonë nga Komisioni Evropian.

Pas Shkupit, ajo do të vazhdojë turneun e saj në Kosovë, Mal të Zi, Serbi dhe Bosnjë e Hercegpvinë, ku do të takohet me krerët shtetëror të këtyre vendeve. Ndërsa, paraprakisht më 15 dhe 16 tetor të këtij viti, Leyen ishte për vizitë në Shqipëri, në kuadër të samitit të Procesit të Berlinit. Zyrtarja evropiane pritet që gjatë këtyre takimeve që do të realizojë në vendet e Ballkanit Perëndimor, të shpalosë detaje nga plani i BE-së për zhvillim të vendeve të këtij rajoni. (INA)

ME TE LEXUARA

LEXO MË SHUMË

burgu

Të arrestuarit për vrasjen e Vanja Gjorçeskës ndodhen në burgun e Shkupit

Talat Xhaferi 2

Talat Xhaferi: Detyrën e kryeministrit do ta kryej me shumë përgjegjësi!

bdi

Kryesia qendrore ia delegon kompetencat, Ali Ahmeti do të vendos për koalicionet parazgjedhore

Arbnor-Maliqi-LD-1130x635-1

LD: Mos nënçmohen studentët

LEN lidhja evropiane per ndryshim

LEN kërkon nga pushteti përgjigje: A është i përfshirë Lupço Palevski edhe në organizimin e rastit të montuar “Monstra”?!

besa

Lulzime Ameti: Vendbanimet shqiptare pa autostrada, Qeveria prioritet kazinot

kufi-bllace

Vikendi i zgjatur, shkakton kolona kilometërshe në kufirin e “Bllacës”

Talat Xhaferi

Xhaferi: Festat kombëtare na tregojnë se duhet të ruhet trashigimia shpirtërore

Carshia-e-Shkupit

Maqedoni/Hoxhallarët para politikanëve, besim i ulët në institucionet e shtetit

INFO

NA NDIQ