Kryeministri i RMV-së, Hristijan Mickoski është takuar me kreun e Partisë Demokratike në Shqipëri, Sali Berisha.
Kryeministri Mickoski tjeksoi se ky takim ka qenë i rëndësishëm, ku në fokus ka pas tema për bashkëpunimin midis dy vendeve dhe rajonin.
“Sot u zhvillua një takim i rëndësishëm me z. Sali Berisha, ish-president dhe ish-kryeministër i Republikës së Shqipërisë, si dhe lider i kamotshëm i Partisë Demokratike. Takimi ishte një mundësi për shkëmbim mendimesh dhe qëndrimesh rreth proceseve aktuale politike dhe shoqërore në rajon, si dhe për përmirësimin e bashkëpunimit dhe mirëkuptimit mes popujve fqinj. Diskutuam gjithashtu për sfidat me të cilat përballen forcat demokratike në Ballkan, si dhe për nevojën për forcimin e vlerave evropiane dhe stabilitetit në rajon”, theksoi Mickoski.(INA)
