Kryetari i VMRO-DPMNE dhe mandatari për formimin e Qeverisë, Hristijan Mickoski njoftoi se të martën, më 18 qershor do të dërgoj në Kuvend do listën zyrtare të anëtarëve të qeverisë së re, ndërsa të dielën, më 16 qershor, VMRO-DPMNE do të mbajë seancat e Komitetit Ekzekutiv dhe Qendror, në të cilat do të përcaktohet lista e anëtarët e rinj të qeverisë nga Koalicioni “Maqedonia juaj”.
“Këtë fundjavë të dielën do të mbahet seanca e Komitetit Ekzekutiv dhe Qendror të VMRO-DPMNE-së, ku do të prezantohen vendimet kadrovike nga unë si mandatar. Pres që Komiteti Qendror dhe Ekzekutiv të marrë një vendim dhe nëse është pozitiv të bëhet me dije në opinion. Lista zyrtare e qeverisë së ardhshme së bashku me programin e punës do të dorëzohet të martën, më 18 qershor, në Kuvendin e Maqedonisë”, deklaroi Mickoski para fillimit të Asamblesë së Përgjithshme të BNJVL-së.
Ai theksoi se nuk mund të flasë në emër të partive dhe koalicioneve të tjera që janë pjesë e qeverisë së re se cilat do të jenë vendimet e tyre kadrovike.
Ai konfirmoi se në qeverinë e re do të ketë përfaqësues të koalicionit “Maqedonia juaj” të udhëhequr nga VMRO-DPMNE dhe “VLEN” dhe të lëvizjes “ZNAM”, ndërsa në opozitë do të jetë koalicioni “Fronti evropian”, koalicioni i “Ardhmërisë Evropiane” i udhëhequr nga LSDM-ja dhe partia politike e Majtë.
