Mickoski: VMRO-DPMNE duhet të marrë pjesë në qeverinë teknike, por të përmbahet nga votimi për të

INA
INA

19/12/2023

Kryetari i VMRO-DPMNE-së, Hristijan Mickoski konsideron se partinë që e udhëheq ai duhet të marrë pjesë në Qeverinë kalimtare, por njëherësh të përmbahet nga votimi për të. Në ditët në vijim, siç paralajmëron, organet e partisë duhet të sjellin edhe qëndrimin e partisë.

“Qëndrimi im është që në kushte të tilla, kur kjo është e rregulluar me ligj, VMRO-DPMNE duhet të marrë pjesë në atë qeveri teknike. Duhet të nominojë përfaqësues të saj, por njëherësh duhet të përmbahet nga votimi për përbërjen e asaj qeverie, sepse vlerësojmë se është në kundërshtim zgjedhja e njeriut të parë që drejton atë qeveri me ligjin që ajo qeveri teknike thirret si organ”, ka thënë mbrëmë Mickoski në intervistën për “360 gradë” në RTVM 1.

Sipas Mickoskit, nominimi i Talat Xhaferit për kryeministër teknik është jo kushtetues dhe në kundërshtim me Ligjin për qeverinë, sepse, siç tha ai, “nuk është propozim i partisë më të madhe politike në pushtet”.

Mickoski paralajmëroi se në rast se organet partiake pranojnë pjesëmarrjen e VMRO-DPMNE-së në qeverinë kalimtare, do të propozojnë në Kuvend ligj me të cilin qeveria teknike nga 1 janari 2025 do të kalojë në histori.

“Është parimore, sepse pastaj do t’u propozoj organeve partiake që të propozojmë ligj me të cilin qeveria teknike nga 1.1.2025 do të shkojë në histori”, ka thënë Mickoski i pyetur nëse qëndrimi për të marrë pjesë dhe për të mos votuar qeverinë teknike është “një truk i vogël politik”.

Sipas tij pjesëmarrja e VMRO-DPMNE-së në qeverinë teknike, siç ka shtuar është të parandalohet ryshfeti në zgjedhje siç ka qenë në zgjedhjet e fundit lokale, ndërsa paralajmëroi se do të propozojnë zgjidhje cilësore të kandidatit për president.

“Ne kemi pasur qëndrim parimor brenda partisë për kriteret e personave që do të gjendeshin në lista, mendoj se shumë shpejt nga sot do të thosha do të dihen kahet kryesore se nga do të lëviz VMRO-DPMNE dhe kush do të jetë kandidati që VMRO-DPMNE do të zgjedhë”, ka thënë ai.

TË FUNDIT

ME TE LEXUARA

LEXO MË SHUMË

sela-taravari

Taravari sfidon Selën: Dilni vetë, unë jam i gatshëm t’i nënshkruaj ato lista që do më sillni dhe do t’i vulosi që të merrni pjesë në zgjedhje!

abazoviq dritan

Abazoviq: Tash shqiptarët në Mal të Zi nuk e ngrisin më flamurin edhe pse kanë të drejtë

Afrim Gashi

Gashi tregon arsyet se pse u bashkua opozita shqiptare

IMG_9532

Sela nga Saraji: Nuk e përkrahim Arben Taravarin për president

Elmi Aziri

Aziri: ASH del e vetme në zgjedhje, kjo çështje do të diskutohet dhe në organet partiake!

Talat Xhaferi

Xhaferi: Maqedonia e Veriut ndërton vlera evropiane të bashkëjetesës, multikulturalizmit dhe multietnicitetit

Arjanit Hoxha ziadin sela zejdi

Si do të shkojë ASH-ja e Selës në zgjedhje? Zejdi është për bllok të gjerë politik, Hoxha i sigurt për koalicion fitues

arber ademi

Ademi: Brenda javës i unifikojmë pagat e profesorëve

Abdush demiri

KSHZ kompleton përbërjen e saj, Abdush Demiri bëhet anëtari i shtatë i saj

INFO

NA NDIQ