Kryetari i VMRO-DPMNE-së, Hristijan Mickoski ka përsëritur nevojën për mbajtjen e zgjedhjeve të parakohshme parlamentare në vend. Ai këtë e ka shtruar sot edhe në takimin me ambasadorin polak në Shkup, Wojciech Ticinjski.
Mickoski theksoi se ka informuar ambasadorin politikan për numrin e madh të skandaleve dhe aferave që kanë të bëjnë me pushtetarët, duke theksuar se vendi po zhytet në krim dhe korrupsion, ndërsa qytetarët jetojnë në varfëri.
“Korrupsioni po lulëzon, ndërsa për të gjitha skandalet është drejtpërdrejt përgjegjës Kovaçevski dhe pikërisht për këtë shteti vlerësohet negativisht nga të gjitha parametrat dhe këtë e vërtetojnë të gjitha hulumtimet ndërkombëtare. Zgjidhja e kësaj situate është mbajtja e zgjedhjeve të parakohshme parlamentare që do të sjellin ndryshim dhe ardhmëri të re dhe shpresë për të gjithë qytetarët”, deklaroi kreu i VMRO-DPMNE, Hristijan Mickoski. (INA)
