Deputeti i VMRO-DPMNE-së, Antonio Milloshoski, ka kërkuar nga ministri i Punëve të Jashtme, Bujar Osmani që në Kuvend të organizohet debat publik për negociatat mes Maqedonisë së Veriut dhe Bullgarisë.
“Në vend të detajeve për negociatat maqedonase-bullgare, udhëzuesve dhe anekseve të njihen nga deputetë dhe ministrat në Sofje, është mirë që Qeveria në këtë temë të pranojë diskutim publik në Kuvend, në shtëpinë përfaqësuese të qytetarëve, kurse është në interes të demokracisë dhe shtetit”, shkroi Milloshoski në Facebook, transmeton TV21.
Ndërkaq, kjo kërkesë vjen derisa në Bullgari është duke u zhvilluar seanca e përbashkët qeveritare mes të dyja vendeve.
