Ministri i Shoqërisë Informatike dhe Administratës, Azir Aliu nga radhët e ASH-së, pasditen e së shtunës zhvilloi takime me strukturat e Aleancës për Shqiptarët në Manastir, Zhitosh dhe Prilep.
Ministri Aliu ka të dëgjuar mendimet, shqetësimet e tyre, për të komunikuar me ata dhe për të ndjekur çështjet e rëndësishme që ata kanë.
“Kënaqësi të zhvilloja sot një takim dhe bashkëbisedim me qytetarët. Sigurimi i mirëqënies dhe sigurisë së qytetarëve është prioriteti ynë kryesor. Që me marjen e detyrës për të udhëhequr MSHIA-në, bashkë me ekipin tim jemi siguruar që të gjitha informacionet dhe vendimarjet të jenë të qasshsme për të gjithë qytetarët”, theksoi ministri Aliu.
Ai nënvizoi se duke përdorur teknologjinë dhe inovacionin, ne kemi përmirësuar aksesin dhe cilësinë e shërbimeve publike për qytetarët.
“Reformat në administratën publike janë pika kyçe për të përmirësuar qeverisjen e vendit. Prandaj ne punuam fort që ligjet për reformat në administratën publike të votohem në qeveri, sepse ato janë të rëndësishme për të siguruar që shërbimet publike të jenë transparente dhe tu përgjigjen nevojave të qytetarëve. Përshirja e qytetarëve në procesin e reformave është e rëndësishme për të ndërtuar një qeverisje më të fuqishme dhe më të përgjegjshme”, theksoi ministri Aliu.(INA)
