Ministri i Shoqërisë Informative dhe Administratës, Azir Aliu ka emëruar për shef të kabinetit dhëndrrin e tij, përcjell KlanMaqedoni.
Vetë ministri ka pranuar këtë fakt nëpërmjet një podcasti që ka startuar.
“Dritanin e kemi ai që na thotë; Këtë mundet, këtë jo në bazë të këtij ligji”, theksoi ministri Aliu.
Shefi i kabinetit: Po, për të vetmin qëllim që ta mbrojmë ministrin dhe të ecim përpara.
Ministri: Ka edhe një qëllim tjetër, e kam dhëndër dhe nuk ka çfarë të bëjë. Duhet të më mbrojë”, kishte pohuar me gojën e tij vetë ministri Aliu.
Madje dhëndri i Ministrit pranon se në administratë publike e ka më të lehtë.
E sot, Ministri Aliu, siç percjell KlanM, as nuk mundohej që të arsyetojë punësimin e tij.
Gazetarja: A është e vërtetë se dhëndrin e keni shef kabinetin tuaj?
Ministri: Po e vërtetë është.
Gazetarja: A është puna e tij e parë që e bën si shef kabineti?
Ministri: Po.
Gazetarët: Atëherë a ka nepozitëm? A është dhëndri nepozitëm apo nuk e llogarisni si familjarë?
Ministri: Jo, mund të nisni procedurë dhe do e shihni./KlanMacedonia
