Ministri i Ekonomisë, Kreshnik Bekteshi prej sot do të qëndrojë për vizitë zyrtare treditore në Uashington të SHBA-së.
Në kuadër të vizitës, ministri Bekteshi do të marrë pjesë në Konferencën e organizuar nga organizata joqeveritare “Transatlantic Leadership Network”, kushtuar Ballkanit Perëndimor dhe do të trajtojë temën: Diversifikimi i energjisë: drejt pavarësisë energjetike evropiane.
Ministri Bekteshi do të marrë pjesë edhe në tryezën e rrumbullakët të organizuar nga “Këshilli Atlantik” me ekspertë/bashkëpunëtorë të jashtëm që punojnë në Ballkanin Perëndimor, të cilëve do t’u prezantojë potencialin ekonomik dhe energjetik të vendit.
Në kuadër të vizitës, ministri Bekteshi do të ketë takim dypalësh me Ndihmëssekretarin amerikan të shtetit për energjinë, Xhefri Pajat, si dhe zyrtarë të tjerë të lartë në Departamentin e Shtetit.
