Ministri i Drejtësisë Krenar Lloga, është nikoqir dhe organizator i Forumit ministerial me përmasa evropiane BE-BALLKANI PERËNDIMOR”.
Në këtë forum ministerial do të marrin pjesë ministrat e drejtësisë dhe punëve të brendshme të vendeve të Ballkanit Perëndimor, ministrat e drejtësisë dhe punëve të brendshme të vendeve të Bashkimit Evropian që përfaqësojnë vendet aktuale (Spanja) dhe dy vendet e ardhshme kryesuese (Belgjika dhe Hungaria), komisionerët evropianë që janë përgjegjës për punët e brendshme dhe drejtësinë, drejtorët e agjencive evropiane – Europol, Frontex dhe Eurojustice, si dhe përfaqësues të tjerë të lartë të organizatave ndërkombëtare në fushën e drejtësisë dhe punëve të brendshme.
Në kuadër të forumit do të mbahet edhe konferenca me gazetarët ku do të flasin Komisioneri Evropian për drejtësi, Didier Reynders dhe ministrat e Drejtësisë të Mbretërisë së Spanjës dhe Republikës së Maqedonisë së Veriut, Maria Pilar Lop Kuenka dhe Krenar Loga. (INA)
